一寿司 (Closed)

綠色星期一乃食素好時機，今次試試去未去過的一壽司睇睇有咩發現。摷勻成個餐牌，素食款式基本上無乜得揀，咪牛油果手卷（$13）囉，包無失手，紫菜夠脆，多咗棵菜仲靚啲添。熱手造稻庭烏冬（$39）個湯係咪素就不得而知，真係驚破戒嘅，就叫凍烏冬唔好落汁啦。但咁細碗賣咁貴，難免令人覺得有搶錢之嫌。圖右上個季節推介嘅海葡萄野菜沙律（$36）上面一抽似提子的海葡萄鹹鹹地幾得意，菜也夠多，算是不錯。