肉骨皇 (Closed)

星期五收工本來和老公想去銅鑼灣行街食飯，但星期五晚晚銅鑼灣實在太多人了，餐廳等位也要等很久，所以我們在銅鑼灣附近既大坑逛逛有什麼好食？逛到盡頭，我們看到這間星馬餐廳，決定入去試吓。我們order這款燒螄蚶的時候，職員問我地要生？半熟？還是全熟？（真細心，老實講我未試過食螄蚶是可以選擇生熟度㗎！）最後職員建議我們選「半熟」，因為半熟既螄蚶收緊d血水，未完全熟透既螄蚶口感會爽滑一點。燒海鮮，唔使我介紹都知道味道有幾鮮味啦！哩味菜加埋服務員用心既講解，簡直攞晒100分。點解我要影個煲呢？純粹想分享吓我覺得哩個Gas爐好，唔會好似平時d gas爐咁（火光紅紅，熱辣辣咁放係妳面前）個gas爐上面盛載著的餸菜就是這煲「肉骨茶」喇！入面有好多料喎（豆卜，金菇，豬肉骨，枝竹，藥材），打開個煲蓋既時候，藥材味好香濃。每件豬肉都有豬軟骨㗎，真材實料好味！天氣咁熱緊係要叫返杯凍飲啦，飲返杯鹹檸七先。