地窖門 (Closed)

喺西寶城隔離嘅tapas小店，門口位似coffee shop，一行入去就有條樓梯落地窖，地方闊落，又暗暗地，好有mood～好啱happy hour泥傾下計，又或者一個人泥飲番杯嘆下。小食種類唔多，一頁menu，drink menu就有五、六頁～個人喜好sparkling，叫左杯prosecco試下，甜甜地易入口。店員推介嘅韓式排骨，有啲驚喜，似港式燒排骨，比較乾身，啲汁入晒落啲肉度，唔同平時bbq rib食到成嘴成手都係汁～出面燒得燶燶地甜甜地，咬落就韓式辣醬風味，少少辣，送酒唔錯。澳洲和牛，用鹽、黑椒調味後煎一煎，就上菜，夾住啲葱同生菜一齊咬，有肉汁，係略嫌生左啲，唔講你可能會以為係炙燒呑拿魚～而烤蝦小米，蝦肉唔算彈牙，不過炒得好香好惹味，小米配埋啲紅椒粒，好似個炒飯咁～啲香料味整到好中東style總結呢間tapas bar，好外國風情，又有個場俾人夾下band，氣氛好好，食物份量唔多，介乎喺飽與唔飽之間，如果放工泥happy hour或者dinner之後飲杯野係唔錯嘅選擇～