Hea Ha Hea Ha 居酒屋

Open Now

Now Closed

依間係尖沙咀寶勒巷10號9樓嘅居酒屋，裝修簡潔，座位舒適。有邊牆擺滿清酒，好有和風味道。餐廳有清酒，熟食和串燒等等供應，我覺得串燒出色。如果坐吧枱，仲可以睇住職員即場燒。Hea精選套餐三款前菜味道都好特別好味，其中青瓜有柚子醃製，好有心思。蔬菜類串燒：燒秋葵和燒冬菇，秋葵只係加左少許鹽，冬菇有燒汁，燒完唔會乾。肉類串燒：雞軟骨串和雞中翼，雞翼表皮燒到金黃色，火喉剛好。鹽燒大蝦：大蝦名副其實真係夠晒大隻，上枱時香噴噴，啖啖肉又夠彈牙。熊本豬腩肉串：配上醬汁，肉質鬆化，香軟美味。牛肉烏冬：個湯底好濃好味。飲品係柚子蜜糖梳打和青檸梳打，套裝仲有甜品。而且份量剛好。