奔之食堂 (Closed)

DFS內嘅台灣菜「奔之食堂」話說同事早前畀「奔之食堂」嘅Hello Kitty擺設所吸引，好想黎一試。 於是今日就被同事帶左黎試下新嘢啦！今次間食店位於太陽廣場地庫，未入餐廳已被店外嘅海報裝飾吸引住，店內裝修走文清風格為主。 裝修吸引，但黎得食嘢當然要睇埋佢嘅食物質素如何。 眼見餐牌上嘅午市套餐都有唔少選擇。 今次我就點咗個宜蘭鹽酥雞滷肉飯，飲品揀咗手沖檸茶。宜蘭鹽酥雞滷肉飯滷肉飯，份量偏小，大食嘅朋友就未必夠食。滷肉肥瘦比例平均，味道一般；鹽酥雞鬆化香脆，但酒味比較重，唔知係咪為咗要掩蓋住雞嘅雪味🤔手沖檸茶完全無特別，而且茶味極淡，唔掂！整體來講，味道一般，不過不失，以呢個價錢，我覺得有其它更多更好嘅選擇。