茶墨 (Closed)

見到咁多人係ig打卡，自己心思思都想黎。呢到賣點係水墨畫風格嘅茶飲。外觀都好有心思🤩假期黎都幾多人，堂食都要等下位。落左單要等10分鐘左右。見到店員慢慢將芝麻醬搽上個杯到，所以花時間一啲，但為左打卡都值得😆～～～～～～～～～～～～～～～～～～～麻糬芝麻烏龍鮮奶茶🧋杯野真係好似一幅水墨畫咁，好有藝術感，個主題都好特別，靚到忍唔住不停影相。麻糬口感煙韌，少少甜，配黑芝麻好似食緊糖水咁，烏龍茶茶味好濃，溝埋鮮奶都幾夾，唔會互相搶味。成杯野都唔會太甜，而且出面好似冇咩呢個組合嘅飲品，值得一試👍🏻士多啤梨雪糕奶昔🍓呢杯奶昔士多啤梨味好重，而且陣味唔係假士多啤梨味，奶味都好濃，加埋雪糕係上面真係好邪惡，鍾意食甜野嘅人就最啱，有雪糕食又有奶昔飲，同埋呢杯野好夠凍，夏天飲好正！日式奶茶蛋糕🍰蛋糕都有幾款，有清香柚子芝士蛋糕、日向夏橙芝士蛋糕、黑芝麻巴斯克芝士蛋糕、岩燒峰蜜蛋糕等等呢幾款都比較特別，不過我朋友唔食芝士，所以揀左日式奶茶。蛋糕有淡淡奶茶香，唔太甜，買黎做下午茶都唔錯呢到除左有茶飲、蛋糕，仲有雪糕食，不過因為太飽就冇嗌～下次再黎食過😋