Cafe Charm's (Closed)

上次嚟Cafe Charm's 遇到不愉快事件，後來有網友通知我，話cafe charm's 想請我返去食多次作「補償」，於是我今日再去食，叫番上次叫的「花漾。迷人窩夫」，事實上今次真係好食好多，不過本人覺得一底窩夫配一球雪糕真係有啲少，哈哈！係呀，佢係兩球雪糕呀！不過真係唔好意思，佢既一球雪糕既size係等於正常既一半，所以兩球雪糕加埋只不過等於正常的一球（優點咪就係食多個味囉）我邊食邊諗，點解上次會咁難食呢？點知....二話不說，聽到隔離枱叫：「唔該，可唔可以換咗碟意粉呀！好咸呀！好似落咗四羹鹽咁。」如果一間餐廳既食物質素咁飄忽，我都唔會推薦俾任何人，或者我會講明去cafe charm's 食嘢要膽博膽，預定只有50%放得入囗！到最後埋單，佢話俾個九折我作為小小心意，哈哈！原來我誤會咗叫我返去食多次作「補償」，個「補償」原來係解九折。唔知點解呢？我有多一次被騙既感覺！