i CREMERiA (Closed)

今日飯後甜品豪一豪，去左i CREMERiA食日本直送水果芭菲，舖頭外面有幾張枱可以坐低食。日本直送蜜瓜芭菲 $108雪糕可以揀源自京都宇治抹茶雪糕，北海道牛奶雪糕，或者扭紋，我哋揀左扭紋，不過牛奶雪糕比抹茶雪糕份量多。牛奶雪糕好厚身同滑溜，不過就算我唔係自己獨享都覺膩。蜜瓜共有一片同三舊，多汁不過甜味完全俾雪糕蓋過，好浪費。芭菲杯中間有脆米，係脆嘅，不過就冇其他料，齋左啲喎。日本直送完熟白桃芭菲 $108白桃有四片，非常多汁香甜，就算同雪糕一齊食都覺甜。呢個芭菲杯除左脆米，就多左啲芒果粒喺底，同白桃果醬係面（雖然味道唔出），咁都好少少。總括而言，一個字，貴，將日本直送水果同雪糕加埋一齊食，浪費左啲水果。而芭菲杯嘅料太少。