Video
Read full review
2011-01-19
50 views
今勻IFC 新開的 Starbucks除咗有２０多款獨家食物外呢，更有２類４款Barista's Recommendation的套餐添喎。２類分別係：- Hot Dishes (湯＋闊麵)：如：Minestrone／Creamy clam chowder soup＋Lasagna alla bolognaise- Refreshing Dishes (Salad＋Flatbread)：如：Orecchiette Arrabbiata Salad＋Sundried Tomato & Roasted Flatbread 全部都係＄６０，即係比單價賣平幾蚊倒啦，雖然我唔係買套餐，但我見到有人買咗個Orecchiette Arrabbiata Salad，原來係計份量磅而唔係求其整一碟出來的。我見到職員砌得靚靚之餘分量仲好大喎，尤其有好多貓耳朵通粉添，睇落就好好食喇，雖然今次我冇點沙律，不過就點咗一個湯試吓喇！！呢個＜意大利素菜番茄湯$30＞湯底真係好足料，有甘筍、蘿蔔、通粉等，味道香濃好有番茄味，就咁睇個碗仲以為湯多料少添，原來係相反o番！更隨湯附送一個小包，唔知係點乜野包？食落就似縮細版嘅
２類分別係：
- Hot Dishes (湯＋闊麵)：如：Minestrone／Creamy clam chowder soup＋Lasagna alla bolognaise
- Refreshing Dishes (Salad＋Flatbread)：如：Orecchiette Arrabbiata Salad＋Sundried Tomato & Roasted Flatbread
全部都係＄６０，即係比單價賣平幾蚊倒啦，雖然我唔係買套餐，但我見到有人買咗個Orecchiette Arrabbiata Salad，原來係計份量磅而唔係求其整一碟出來的。
我見到職員砌得靚靚之餘分量仲好大喎，尤其有好多貓耳朵通粉添，睇落就好好食喇，雖然今次我冇點沙律，不過就點咗一個湯試吓喇！！
呢個＜意大利素菜番茄湯$30＞湯底真係好足料，有甘筍、蘿蔔、通粉等，味道香濃好有番茄味，就咁睇個碗仲以為湯多料少添，原來係相反o番！更隨湯附送一個小包，唔知係點乜野包？食落就似縮細版嘅貝果囉，冇乜味，但係藍莓唻喎，幾好。
再來一新野＜蕃茄乾香草烤包$24＞，嘩！包面果個條蕃茄乾真係酸到痺呀！但又好好食！呢個烤包賣相都好啦，好似玩九方格咁，有６粒車里茄＋３粒橄欖，烤包我反而食唔出係乜？睇落橙色又似甘旬／蕃茄包，但又冇呢兩隻味喎，應該係麥包吧？好食係啦。
再再來一新野＜咖啡核桃酥條$16＞，開頭都考慮咗好耐食唔食好架，因為睇佢面層好多糖粉怕佢會好甜，更以為酥一定好甜添，點知食第一口又唔係喎，都幾鬆化，好有核桃味，係冇咖啡味囉..............。
再再再來一新野＜火雞烤包$32＞，都係普通一個有料包啦，火雞同樣係實的的囉。
再再再再來一新野＜聖誕白朱古力杯$24＞，其實係聖誕產品，最好食都係上面的米脆脆，白朱古力唔甜，中間的紅莓都幾好，其實早前食過＜聖誕朱古力杯＞都講過係乜野料子架喇，(呢到有講)只係今次轉係白朱古力而已，見都算係新野先買啫。
最後呢個舊野＜檸檬撻$15＞其實我都食過好多次架，不過原來一直都冇講過喎，但其實呢...我次次買咗食少少後都叫自己以後唔好再買架，因為真係好甜架，但我本身又好鍾意檸檬，佢個檸檬撻因為好有檸檬味呢....所以要落多Ｄ糖整甜Ｄ啩？多數係因為想食新野又冇野好揀我就會買呢個架喇，咁其實係好食嘅！
唔~~整體來講呢，呢間IFC Starbucks真係可以繼續幫襯，相信佢會耐唔耐推出新野啫，因為上次hea完離開時再望玻璃櫃裡面，已經轉哂Ｄ包類甜點喇，只是怕去到冇位啫。
更多相：http://hk.myblog.yahoo.com/hoie-1217/article?mid=15900&prev=15922&next=15881
Post
