三田製麵所 (K11購物藝術館) (Under Renovation)

今日喺尖沙咀行街，行到咁上下就去咗呢度食晚餐～-以前間唔中都會嚟幫襯吓，因為我個人都幾鍾意食粗麵，而宜家嘅拉麵舖多數都係幼麵，所以我間唔中都會嚟食🤔今日就叫咗個$121嘅一人套餐，另外單點咗個沾麵我揀咗個基本嘅魚介湯底沾麵，死唔蝕底嗌咗大size嘅面🤣個沾麵湯汁比以前鹹咗，頭半碗麵都覺得真係有啲太鹹，要keep住飲水或者飲烏龍茶，食到後面開始就好啲。小食就嗌咗個炸雞，一人餐嘅話炸雞就剩係得三嚿，炸雞就中等水準😗-總結：比起以前嚟講，而家好似冇以前咁好食，不過又未去到難食嘅，如果想食沾麵嘅話，我覺得呢度嘅套餐都OK嘅。