阿閒泰 (K11購物藝術館)

Open Now

Now Closed

K11 都有好幾間餐廳，今次黎食阿閒泰，主打泰國菜，但係又加入西式元素，既有傳統泰菜，亦都有啲創新菜式，泰式調味配上意粉、燴飯，幾新鮮～1⃣️ 炭燒牛肉配青芒沙律（$128）牛肉食落好香，有肉汁，而且都幾多片～底下既青芒沙律夠爽，配合埋一齊好開胃。2⃣️ 脆炸軟殼蟹米紙卷配牛油果醬（3件）（$78）軟殼蟹好脆，仲包入幾片酸薑，牛油果醬帶少少青醬香味同酸甜感，味道豐富。3⃣️ 炭燒香茅雞肉串燒（$56）雞肉好大塊而且厚肉，用原條香茅貫穿，好食！4️⃣ 炭燒魷魚鬚（$58）魷魚鬚食落彈牙，面頭仲有啲蔥蒜👍5️⃣ 沙律醬烤粟米條（$58）粟米粒粒爽甜，面頭加上沙律醬去烤，再灑上芝士粉，幾特別～6️⃣ 大蝦冬蔭功濃汁燴有機糙米飯（$158）冬蔭公醬汁好濃，而且辣度比我想像中高，好惹味🔥配料幾多，有大蝦、魷魚鬚、菇、青口，呢個冬蔭功燴飯既配搭我鍾意！