NODI Coffee Works (浚峯) (Closed)

同個食開生酮嘅朋友響西環整啲嘢，之後同佢食晏，所以好自然就由佢話事帶我去試吓新嘢。舖頭位置非常接近堅尼地城站C出口，行過去唔使2分鐘，附近環境都幾舒服，食緊嘢嘅時候見到唔少人響度影相打卡。餐廳入邊環境都好chill，佢哋用嘅綠色感覺都幾特別得來又舒服。我哋叫咗兩個lunch sets, 分別係生酮松露什菌椰菜花飯，同埋生酮肉醬千層麵。生酮松露什菌椰菜花飯味道幾好，食到松露嘅味道，什菌都有唔少，口感可以亦都好夠熱，份量都好足夠。生酮肉醬千層麵，都食到重嘅芝士味，應該可以滿足要個口人嘅朋友，分量方面女士嚟講好足夠，男士可能會想多少少。題外話，兩碟上面都各有三粒蕃茄，我想話啲蕃茄好好味。兩個sets跟兩杯嘢飲，一杯嗌咗dirty salted caramel latte, 飲落去個味道都幾得意，有少少鹹味得來帶到咖啡嘅香味出嚟。另外一杯係hojicha latte, 口感會偏淡少少，但係after taste時間反為比較長。之後帶咗一件生酮版巴斯克芝士蛋糕兩份食，主要係試吓個味道，入口真係有好濃嘅芝士蛋糕味，完全估唔到係生酮，值得一讚。下次有機會再試吓另外嗰啲嘢食同嘢飲先。