高麗軒韓國餐廳

Open Now

Now Closed

過海處理啲文件，今日嚟到北角，約咗住喺附近嘅朋友食個晚飯，《高麗韓國菜料理》有任食韓烤。位於商場1樓，地方舊闊落，靠窗是卡位。好彩早啲嚟，夜咗會多啲食客未必有窗口卡位。韓國菜前菜包括菠菜、芽菜、泡菜、丁香魚等等，呢個放題都包咗任食。牛舌~夠爽韌，有口感，牛舌味道冇其他部位可以代替；肥牛~果然好肥；特級牛頸肉~新鮮，肉未夠香濃；肉眼扒~好大件，輕輕烤熟兩面，即刻食得。黑毛豬腩~腩肉夠肥，烤到香口，夾生菜生蒜麵豉醬食，正！辣汁五花肉~辣汁唔算辣，醃過嘅豬肉都幾好味。大蝦~海鮮煎蔥餅~新鮮熱辣辣，即叫即煎，非常香口。蛋包蝦~牛肋骨湯~飲品櫃都有唔少選擇，最後食埋個雪糕都好夠喇。