Cobber Coffee and Tonys Pastry (Under Renovation)

聽朋友介紹觀塘依間cafe好高人氣，今日一見果然名不虛傳😳人龍由店門一直延伸到後樓梯，即使係星期六6點，都依然要排一個鐘。入到去木系裝修，空間闊落，十分舒適。🍛 黑松露忌廉菇雞肉燉飯上菜時明顯聞到黑松露既香味，配合用心既擺盤，相當吸引食慾。至於味度方面，雞肉肉質軟腍，risotto濕度剛好，但整體略為單調，如有更多配菜口感會更豐富。🥨 西班牙肉桂條配朱古力醬肉桂條係西班牙其中一樣標誌性小食，表面鋪左糖粉，食落去可以想像成甜既油炸鬼，幾有趣既口感，岩晒螞蟻人。🍹 脫脂奶鮮奶抹茶 & 豆漿鮮奶抹茶 部分飲品仲可以免費加添兩樣配料！除左經典既甜度選擇之外，依度意外地仲可以揀用咩牛奶，由全脂到脫脂，甚至豆漿都有🤩 總有一款自選組合岩自己😋 我地今次揀左無糖，都好好味💯🥞 榛子、朱古力、焦糖香蕉 梳乎厘班戟梳乎厘班戟打卡一流，味道同樣唔錯。有蛋香得黎又鬆軟，但未至於有太大驚喜。主食同小食比較出色。整體黎講，無論係主菜、小食、飲品定甜品都做得唔錯。而且無時限，最岩同fd一齊食野吹水😙😙 想食既話就記得提早黎排隊啦❗PS: 有店員既圍裙仲扣住五条先生既襟章😍加分😎🤞🏻💯