Video
Read full review
2018-05-30
668 views
放假去中環影下街拍，經過IFC就想坐低飲杯咖啡食件蛋糕，不過又唔想幫襯大型連鎖式咖啡店嗰啲冇乜特色嘅蛋糕，咁啱經過見到一間門面幾有特色嘅蛋糕店叫做Ia famille。蛋糕店裝修偏向認識嘅風格，門口有兩個蛋糕櫃好鮮明咁話俾大家聽佢哋嘅賣點，在佢哋有多達最少15款唔同味道嘅蛋糕，而每一種蛋糕都有經過獨特唔同口味嘅配搭我見到有幾種配搭幾鮮明嘅例如士多啤梨乳酪，香濃開心果，法國玫瑰，最後我就揀咗椰子香芒，咖啡方面就叫咗杯Cappuccino.椰子香芒送到你枱面嘅時間會有一個好高身既玻璃蓋cover成個蛋糕，侍應姐姐表示呢一個玻璃蓋係用嚟保存住成個蛋糕嘅香味，唔係講笑一打開個下真係有好香濃嘅椰子味散發出嚟，慢慢會有芒果味嘅後勁開始湧出嚟，就算你本身唔打開都好成個蛋糕嘅設計同埋賣相都非常之別緻，喺未食之前已經非常之適合各位姊妹們打卡同埋影相！之後就開始食下個蛋糕，蛋糕表面唧滿左一個圈嘅奶油，裏面中心放滿左大量嘅芒果粒，首先梗係用刀切開一半先啦，個蛋糕切開嘅時間基本上唔使用力就已經可以切得開，切開咗之後凹咗落去嘅地方會慢慢開始彈返起上嚟！可想而知個蛋糕真係非常之鬆軟，細心睇下成個蛋糕其實分開咗大約
蛋糕店裝修偏向認識嘅風格，門口有兩個蛋糕櫃好鮮明咁話俾大家聽佢哋嘅賣點，在佢哋有多達最少15款唔同味道嘅蛋糕，而每一種蛋糕都有經過獨特唔同口味嘅配搭
我見到有幾種配搭幾鮮明嘅例如士多啤梨乳酪，香濃開心果，法國玫瑰，最後我就揀咗椰子香芒，咖啡方面就叫咗杯Cappuccino.
椰子香芒送到你枱面嘅時間會有一個好高身既玻璃蓋cover成個蛋糕，侍應姐姐表示呢一個玻璃蓋係用嚟保存住成個蛋糕嘅香味，唔係講笑一打開個下真係有好香濃嘅椰子味散發出嚟，慢慢會有芒果味嘅後勁開始湧出嚟，就算你本身唔打開都好成個蛋糕嘅設計同埋賣相都非常之別緻，喺未食之前已經非常之適合各位姊妹們打卡同埋影相！
之後就開始食下個蛋糕，蛋糕表面唧滿左一個圈嘅奶油，裏面中心放滿左大量嘅芒果粒，首先梗係用刀切開一半先啦，個蛋糕切開嘅時間基本上唔使用力就已經可以切得開，切開咗之後凹咗落去嘅地方會慢慢開始彈返起上嚟！
可想而知個蛋糕真係非常之鬆軟，細心睇下成個蛋糕其實分開咗大約有三層，第一層係外層鬆軟嘅蛋糕，之後就係奶油圈，到中間就係非常之新鮮嘅芒果粒，蛋糕食落口嘅時間鬆軟得來都做得到入口即溶嘅感覺，蛋糕喺口裏面溶化之後就會有一陣非常之香濃嘅椰子味係口裏面散發出來，嗰陣椰子味完全唔似係平日食椰子雪糕仲好假嘅椰子油，反而個椰子味感覺就好似你真係咬緊椰子係個口裏面個種新鮮清新嘅椰子口感，奶油感覺偏向奶味比較重，但係放入口食完之後感覺完全唔油膩，如果你將三樣野同時放入口，三種唔同嘅口感同埋味道好似係口裏面跳舞一樣，呢個配搭其實真係幾驚喜因為平日芒果大多數都會配合蘋果，反而呢一間餐廳嘅蛋糕用芒果配合椰子味嘅蛋糕，係味道同埋口感方面嘅調教係睇得出係有心思。
最後就要講講佢哋嗰杯Cappuccino，飲落口奶味非常之香濃咖啡豆嘅味道一啲都唔酸，奶泡係你一路飲咖啡嘅時間慢慢溶落去咖啡裏頭，配合蛋糕慢慢食用真係星期日下午非常之休閒嘅享受！
Post
