鳳城酒家 (Closed)

Lucas小食家 成日周圍走， 體驗唔同地方文化同菜式， 反而少咗機會食廣東菜， 一有機會就會想食番百吃不厭嘅家鄉菜。 招牌蝦多士當然係我最愛， 幾乎每一次黎都必定會點， 蝦滑彈牙得很, 依舊 炸得脆脆卜卜。 金光炸粉粿真係唔係度度都食到， 唔好睇少佢，每一隻都有大蝦， 真係有驚喜。 廣東菜唔少得飲靚湯，我地點咗蟲草花螺頭燉雞， 用料充足，有齊蟲草、花螺頭、雞、瘦肉、杞子等等， 令我相當滋潤，簡直係保持靚靚皮膚必備。 順德生炒桂魚卷很不錯，師傅將雨都起了骨， 令大家食得放心，桂魚包著金腿絲、香芹絲和松子仁， 魚肉十分軟滑，成為全晚焦點。 西米焗布甸又是這家店的招牌貨， 內裡有幼滑的蓮蓉餡料， 令我今晚相當滿足。