第一家 (Closed)

平時返工食得茶記多,今日轉下口味食韓國野,呢間第一家(前身係李家)成日都經過,今次係第一次幫襯。lunch時間仲有多款套餐可以選擇,梗有一款岩心口水~細味自選2人套餐($588)可以自選1份炸雞同2份主食,雖然話2人餐,但樣樣份量都好多,3個人都未必食得唒無骨京蔥炸雞滿滿一盒炸雞上面放左大量京蔥絲,炸雞外層香脆,入面仲保留到肉汁,而且因為無骨,可以放心大大啖放入口。京蔥絲多到可以當菜食,感覺好似健康左~加埋甜甜酸酸既醬汁仲可以消除油膩感,可以食多幾件~拼盤腸第一次食韓國野叫咁多腸~一份有成7款,款款都各有特式,粗既~幼既~長既~短既~唔同風味都有齊,愛腸人任萬勿錯過~而且仲有一大堆薯條,食哂真係飽到上心口~海鮮炸醬麵又係滿滿一大盒,最特別既係除左傳統既炸醬,仲魷魚同蝦仁等等既海鮮係入面,當堂高級左,不過真係好大份,2個人食都應該好飽~