Video
Read full review
2019-07-11
1723 views
Plato Cafe & Bistro 食評：並唔係第一次食呢間既，有時都會係到食lunch／dinner，不嬲對呢間餐廳既野食質素都好滿意，Openrice 亦有好多Like，所以水準都應該keep 住幾穩定。1點幾到餐廳，都算多人，好彩有一張2人枱。安排座位坐好之後，我地就開始睇menu，我自己就叫左個L9. 炭燒美國安格斯西冷牛扒配薯條再升級法式龍蝦湯($148+$28)，我朋友就叫左個 B4. All Day Breakfast ($128)。野食上得好快，首先係我個湯到。湯一黎到就已經聞到好香既龍蝦味，飲落好濃好鮮甜。值得讚既係佢仲係好熱，是關有d唔好既餐廳係一早上好碟／無keep 住個溫度，如果係咁既話鮮味無咁濃，亦無咁香。之後就到我友人既All Day Breakfast, 份量都好充夠。沙律，香腸，煙三文魚等等都有水準。而佢既黑松露炒蛋就十分足料，可以分到每一口都食到黑松露之餘，黑松露亦好高質。成份 All Day Breakfast, 黑松露炒蛋可以話係最突出。過左無幾耐，我個牛扒亦都到左，賣相非常之唔錯，我係叫左7成熟。食落亦都無令我失望，一切開的確係做到中間淡紅色
並唔係第一次食呢間既，有時都會係到食lunch／dinner，不嬲對呢間餐廳既野食質素都好滿意，Openrice 亦有好多Like，所以水準都應該keep 住幾穩定。
1點幾到餐廳，都算多人，好彩有一張2人枱。安排座位坐好之後，我地就開始睇menu，我自己就叫左個L9. 炭燒美國安格斯西冷牛扒配薯條再升級法式龍蝦湯
($148+$28)，我朋友就叫左個 B4. All Day Breakfast ($128)。
野食上得好快，首先係我個湯到。湯一黎到就已經聞到好香既龍蝦味，飲落好濃好鮮甜。值得讚既係佢仲係好熱，是關有d唔好既餐廳係一早上好碟／無keep 住個溫度，如果係咁既話鮮味無咁濃，亦無咁香。
龍蝦湯
44 views
0 likes
0 comments
之後就到我友人既All Day Breakfast, 份量都好充夠。沙律，香腸，煙三文魚等等都有水準。而佢既黑松露炒蛋就十分足料，可以分到每一口都食到黑松露之餘，黑松露亦好高質。成份 All Day Breakfast, 黑松露炒蛋可以話係最突出。
過左無幾耐，我個牛扒亦都到左，賣相非常之唔錯，我係叫左7成熟。食落亦都無令我失望，一切開的確係做到中間淡紅色既標準7成熟。食落唔會榎口，每一口都有好香既牛味，薯條亦好厚食。
最後我地叫埋飲品，叫左一杯特濃朱古力同咖啡。
成個lunch 都食得好滿足，好滿意！
Post
