紫甜

Open Now

Now Closed

因為落大雨關係，星期日早上都唔想去咁遠嘅地方食飯。但因為成日都係樓下食晏都食到唔知食咩好，見呢間糖水舖我地未食過佢地嘅lunch，所以決定試下。我妹叫左個甜豉油餐蛋飯，煎蛋有2隻，仲有少少雜豆同蔥粒。但味道都ok啦。我老公叫左個carbonara，一上檯已聞到好香忌廉味，但唔知係咪芝士太多，偏咸，不過整體算不錯。我叫左個涼瓜牛油飯，因為呢度冇明火牌，所以真係食落去欠缺左鑊氣，牛肉係已經醃到月好淋，亦都有好多塊，但就偏穌。涼瓜反而只得5片....不過對於中意食涼瓜嘅苦味嘅我黎講，呢度嘅涼瓜完全唔苦。估唔到糖水舖都有lunch食，可想而知本身只做甜品已經站不住腳，希望佢可以捱耐d，話哂呢頭得呢間糖水舖。