BLT Burger (Closed)

今日要去尖沙咀報course，但搞錯咗時間中午1:00出到去，點知學校都係lunch hour，所以就喺附近搵間坐得舒服嘅餐廳食晏，第一時間諗起BLT，我都好擔心去到冇位，好彩唔駛等就可以入座，有好多人已經差唔多食完，場內大部份都係外國人或者香港人，大熱天時冇乜胃口，有沙律加甜品buffet $168+10%，我當然不作他選，沙律菜同生果都好新鮮，仲有少少cold cut，仲有三款熱食係菇類，瓜類同蕃茄，以尖沙咀黃金地段呢個價錢好超值，到遲啲正式上堂嘅時候，我一定會再嚟食。