L Place Cafe (Closed)

基本上係深水埗應該食地踎尐，貼地尐唧食物，但今日俾咗個廣告牌引咗入去食咗個幾好食嘅牛扒。個扒餐跟湯，包，扒，同餐飲，如果叫呢杯凍泡沫咖啡就要加錢，但杯嘢唔太有啡味，普普通通，早知就慳番十幾蚊飲番杯普通凍啡。包係牛角包，幾脆幾鬆，湯係南瓜湯，夠濃唔滑。主角上枱時有200g六成熟嘅牛扒，仲有一碗仔生果，黑椒汁(碗上)而唔係淋上件牛朳面(老闆對自己嘅出品應該幾有信心)。又原來扒底仲有嚿嘢呢埋咗，都幾鬼馬。呢埋咗嘅係一個薯仔芝士批，幾好味，有飽肚。呢件就係聲稱有200g嘅澳洲M8和牛，油香有，牛味又有，較為失望嘅係件和牛有好很多筋，但絶對收貨。全程HK$245，會再回頭，因為𥄫度有價錢幾吸引嘅小型 戰斧扒。