Video
Read full review
2014-07-22
1082 views
是日30幾度高溫，Mad bear 同肥妹同事打算去機利臣街食至愛車仔面，企係街邊一路等，一路滴...汗，咪度過隔離昅下囉。嘩吓，新開左間burger joint 喎，有位，即刻掟灣入去試試。裝修係水泥 + 木，環境超舒服，比Caliburger好坐好多，一D都冇fast food feel。坐低嘆左成5分鐘冷氣，都冇人理我地，原來係半自助形式，要行去Counter落柯打。Menu 寫晒係黑板上，有Burgers 同 Steak Sandwiches 兩種。點左Big Jo's Burger Combo + Coke，即叫即做，等一陣有專人攞嚟。薯條上面好似灑左D chili powder (不過唔辣)，嘩，超熱，爭D辣親，冇特別。Burger: 望落有D的色 (初頭驚唔飽，後尾飽到上心口)，賣相好實力派。中間有生菜同蕃茄，咬落必晒D汁出嚟。漢堡牛肉7成熟，唔嚡口，好juicy，不過肥妹覺得生。睇番menu，原來牛肉用USDA認証，放心晒!!偷聽隔離枱對話，原裝店原來喺Santa Monica，所以做法都跟足加洲口味，上網睇番先知Big Jo's咁出名，枉我去過LA十幾廿次都未幫襯過呢
裝修係水泥 + 木，環境超舒服，比Caliburger好坐好多，一D都冇fast food feel。坐低嘆左成5分鐘冷氣，都冇人理我地，原來係半自助形式，要行去Counter落柯打。
Menu 寫晒係黑板上，有Burgers 同 Steak Sandwiches 兩種。點左Big Jo's Burger Combo + Coke，即叫即做，等一陣有專人攞嚟。
薯條上面好似灑左D chili powder (不過唔辣)，嘩，超熱，爭D辣親，冇特別。Burger: 望落有D的色 (初頭驚唔飽，後尾飽到上心口)，賣相好實力派。中間有生菜同蕃茄，咬落必晒D汁出嚟。漢堡牛肉7成熟，唔嚡口，好juicy，不過肥妹覺得生。睇番menu，原來牛肉用USDA認証，放心晒!!
偷聽隔離枱對話，原裝店原來喺Santa Monica，所以做法都跟足加洲口味，上網睇番先知Big Jo's咁出名，枉我去過LA十幾廿次都未幫襯過呢度仲有Happy hour，下次早放工可以過嚟試埋Steak Sandwiches.
Post
