Mamaday (Closed)

今日收工黎左玩味cafe Mamaday，呢間分店係銅鑼灣鵝頸橋附近既，係舊樓既一樓。一排冇黎，個餐牌靚左好多，明顯新印，不過菜式同之前差唔多，主餐牌有我最鍾意既比薩，意粉，飯類，早午餐，小食，沙律，甜品，多左個慢煮醉豬手。飲品有啤酒，雞尾酒，咖啡，奶昔，沙冰，梳打，茶。黑到爆炸魷魚圈墨魚滑墨汁燉飯 $128 另加一黎過咁多次都未試過呢個飯，今次就試吓啦。炸魷魚圈3件，非常香口酥脆，正! 白色嗰舊係墨魚滑，彈牙鮮甜。個飯味道鹹度適中，用左自家製墨汁，濕潤度又啱，加上面頭嘅脆脆炸蒜，口感唔錯，如果燉飯嘅口感更煙韌就更好。雖然餐牌寫有辣椒，不過唔覺辣。食完咀唇就真係要抹。點解個個都叫軟殼蟹比薩架 $138 另加一好耐冇食呢款比薩，今次encore先。餐牌轉左之後，而家仲可以加錢加配料落比薩，每樣加$12。慢工出細貨，等左超耐先有得食。軟殼蟹大大隻，新鮮熱辣炸起，又酥脆肉又多，好食。Mamaday既比薩係我最鍾意既超薄脆餅底。比薩一客六件，菠蘿香甜多汁，溝超多千島醬一齊食非常邪惡，蟹柳反而唔出，因為份量唔多。呢度既比薩特別在於佢地加左d薯蓉係面，食到薄脆餅底同少少軟綿綿既薯蓉。如果可以多d芝