Video
Read full review
2023-05-30
169 views
假日想食點心，就亂咁上OpenRice 搵食啦，咁就挖左呢間點心店出黎啦，佢位置頗接近旺角中心，地點就腳。舖面呈四方形，餐廳正向彌敦道大馬路，樓底算高，舖面光猛，裝修簡潔。而內裡枱凳擺位係茶餐廳既格局，三邊卡位，中間就放四人枱，枱同枱之間既擺位尚算闊落，坐落尚算舒適。我既用餐時間係三點幾，當時舖內只有四至五枱人，在樓面工作 連收錢侍應 加埋只有4位，見佢地都頗忙碌，收拾，上菜，入單，收錢，加水，個個都忙個不停，到我地點餐時，都發現有入錯單既情況，不過無計啦，眼見咁少人，明顯真係人手唔夠，所以出完單自己對清楚就好了。好啦，到正題，今日食左5個點心 + 1個蒸飯。生炒什菌餃 - $30一籠三粒，超級熱辣辣，睇到相係濛濛地，因為勁大蒸氣。粒餃係普通正常尺寸，晶凝皮薄，但咬落軟糯而有靭度，很有口感。內餡係菇絲，翠肉瓜粒，紅蘿蔔絲，粟米，食材有調味同先炒香，咬開就爆香及有鑊氣，餡料的確如名一樣，有生炒過至包餃，所以一咬開內餡，蔬菜菇粒粟米既香甜完全散發出晒離，而且，內餡係烹到剛剛好，咬落仲有顆粒感，唔會過熟而成一擗野同淋吱吱，好好味。蒜香蝦春卷 - $38一碟有4件，每件春卷約男士手指頭既粗幼度
我既用餐時間係三點幾，當時舖內只有四至五枱人，在樓面工作 連收錢侍應 加埋只有4位，見佢地都頗忙碌，收拾，上菜，入單，收錢，加水，個個都忙個不停，到我地點餐時，都發現有入錯單既情況，不過無計啦，眼見咁少人，明顯真係人手唔夠，所以出完單自己對清楚就好了。
好啦，到正題，今日食左5個點心 + 1個蒸飯。
生炒什菌餃 - $30
一籠三粒，超級熱辣辣，睇到相係濛濛地，因為勁大蒸氣。粒餃係普通正常尺寸，晶凝皮薄，但咬落軟糯而有靭度，很有口感。內餡係菇絲，翠肉瓜粒，紅蘿蔔絲，粟米，食材有調味同先炒香，咬開就爆香及有鑊氣，餡料的確如名一樣，有生炒過至包餃，所以一咬開內餡，蔬菜菇粒粟米既香甜完全散發出晒離，而且，內餡係烹到剛剛好，咬落仲有顆粒感，唔會過熟而成一擗野同淋吱吱，好好味。
生炒雜菌餃
$30
20 views
0 likes
0 comments
蒜香蝦春卷 - $38
一碟有4件，每件春卷約男士手指頭既粗幼度，個脆皮係薄薄既一層，咬落超級酥脆，脆皮真係100分，條春卷就算攤凍左先食，咬落都超級乾爽同埋酥脆！ 每件春卷都包著約三粒小蝦仁，蝦仁係原粒包，蝦肉鮮香彈牙，混盒少許蘿蔔絲同埋椰菜絲，咬落香口彈牙伴少許蔬菜既香甜，食一舊絕不夠喉。
蒜香蝦春卷
$38
20 views
0 likes
0 comments
百花炸釀蟹拑 - $62
一碟有3粒，尺寸同普通茶樓既牛肉球大細相約。炸蟹拑既表面被薄薄既炸麵包糠層包裹，咬落表面非常之脆口，到蟹肉層就同我預想既唔太相同，去飲食既蟹拑好多都打到起晒膠，無乜肉纖維感，但呢個蟹鉗肉食落帶少許粒感纖維感，佢既肉無打到起晒膠，但反而食到蝦肉既彈牙感，食落蝦蟹味頗香濃，蝦味就重一咬落非常多汁，好好味。呢個價位，有三大粒，真係又抵食又有質素。
百花炸釀蟹拑
$62
13 views
0 likes
0 comments
黑松露北菇燒賣皇 - $20
一籠2粒，雖之叫燒賣皇，本來以為好大粒，但原來得5蚊銀尺寸一粒。小燒賣由冬菇，蝦仁，肥豬肉，松露醬組成。上枱時係熱辣辣，一口咬落，豐富多汁既肉味混合蝦仁既鮮香味在舌頭大爆發。軟淋既豬肉，彈牙既蝦仁，多汁香濃既冬菇，加埋超香既松露醬香味，真係好難唔好味, 只係如果大粒d就更合乎祈望啦。
黑松露北菇燒賣皇
$20
12 views
0 likes
0 comments
雪山叉燒包 - $35
一碟有三個包仔，佢其實係最先上枱，上枱時熱辣辣，但因為我唔想第一口就食甜野，所以將佢放到最後先食，因此，我食呢個包時，佢係微溫既。 雖之係微溫，但完全無變味！
一口咬落去，表層依然鬆化帶脆感，整個面包乾爽，面包層咬落軟熟。整個包身都好乾身不油膩，中間餡料份量適中，叉燒醬同叉燒既味道非常濃沃香甜，非常惹味，只要一開始咬第一口就停唔到口，相信熱辣辣時食 會更好食。
雪山叉燒包
$35
12 views
0 likes
0 comments
鳳爪排骨飯 - $38
鳳爪軟淋食落味道香濃，排骨係偏肥既，瘦肉部份唔多。整個飯係用一個男士手掌大既缽仔蒸既，飯粒蒸到乾身，粒粒分明，食落偏硬，因排骨偏肥，蒸後既油份肉汁都落晒d飯度，所以d飯就充滿肉香，加上甜豉油調味，所以個飯係好食既。
鳳爪排骨飯
$38
9 views
0 likes
0 comments
整體講，點心水準算高，無論係蒸炸焗既點心都好食，所有點心都做到熱辣辣上枱，上枱速度都ok，一樣接一樣上，亦無乜等候時間，仔細睇下點餐單，點心款數都頗多多，此外仲有鑊氣小炒食，所以我對呢間點心店既整體評價都頗正面，所以下次都會翻轉頭試下其他野食。
Post
