臺北棧 (荷李活道) (Closed)

而家無得去台灣玩，咁就食下台灣菜啦。中環呢間食台灣野幾正，唔係傳統果個台式餐廳，裝潢比較modern，幾切合中環既形象。明太子甜不辣平時都係食好似薯條狀既甜不辣，扁狀好似一塊餅咁真係第一次食。佢唔係加平時既辣粉之類，而係加左明太子，即刻多左少少日本feel。明太子少少辣辣地同甜不辣甜不辣幾夾。火焰原條鰻魚玉米蛋餅鰻魚足足9寸長！！呢個真係必點！除左打卡一流之外，味道仲好好食！平時食蛋餅都係肉鬆，芝士之類的配料，估唔到同鰻魚碰撞出黎個味道係咁match！口感層次好豐富，鰻魚夠肥美，一口咬落去味道好rich。蟹肉麻婆豆腐撈麵蟹肉份量都幾多，不過我覺得個麻婆豆腐既辣有少少over，已經蓋過晒蟹肉既鮮味。而且個辣唔係麻辣果種，似係辣椒油果種辣。如果係鐘意辣的人可以點呢個會食得好過癮。