快樂蜂 (亞皆老街)

Open Now

Now Closed

早兩日行過，又好耐未試過，於是上嚟睇吓啦！千挑細選之下，叫咗呢個餐，我全程用廣東話，店員就全程用英文，咁就出事啦！佢畀咗兩件雞，一個醬，一杯汽水，加埋個有編號嘅牌畀我，我好自然就捧住個盤搵個位等，隔咗無耐，有個店員捧住包薯條嚟，咁就出事啦！我叫嘅係薯蓉，唔係薯條，之前落單嘅店員以為我叫嗰個餐，一定係配薯條啦，雖然我落單時，講明要薯蓉，明顯佢唔識聽。算！反正呢間好耐未試過，薯條要殺，唔換，睇吓咩味道。先講兩件雞，肉質係比KFC同老麥實淨，雖然脆但唔覺得特別好食，個醬仲衰，唔係個色，以為係水嚟嘅，無味又稀，點同唔點，分別只係令件雞濕啲同乾啲啫。薯條係比老麥硬身，但份量少，一個咁嘅餐，兩件炸雞，一包細薯，一杯汽水，只能夠叫過吓口癮，幾乎叫無嘢落隔，仲要50大元，完全唔值。