鳥森 (Closed)

次次去食串燒都心大心細唔知點乜嘢好，銅鑼灣鳥森就有個Mori Set，有串燒、有燒物、有主食、仲有湯同飲品！師傅會安排8串唔同雞嘅部位嘅串燒，今晚我哋食咗提燈、雞軟骨、雞腳筋、免治雞肉棒、雞皮、雞腎等等。每款串燒都幾好味，最特別係提燈，真係唔係周圍有得食；雞腳筋同埋雞軟骨就夠爽口；雞皮燒得夠乾身，好脆。食完雞嘅串燒，可以自選燒物，我哋就揀咗豬肋條同牛舌芯。牛舌芯係必食推介，好厚身好juicy👍🏻👍🏻 豬肋條都唔錯，幾濃味。之後仲有稻庭烏冬，份量都唔少，非常飽肚。最後食埋奶凍，好滿足呀！