Video
Read full review
2014-05-01
98 views
咩叫「歷久常新」？意思喺啲嘢隔遠咗，但都仲喺有種新簇簇嘅感受。最近，就有機會去到中環蘇豪一間樓上隱秘小店「Naked Gurume Gyarari」，品嚐其西日混和菜，日本食材配合西式煮法，西式食材添加日本味道，雖然小弟唔喺經常食日本菜，但今晚仍有種歷久常新嘅感覺。狹小嘅門口已夠晒隱蔽，仲要經過長長黑白樓梯長廊先可上到達餐廳，有種既隱敝，又神秘嘅感覺。上到一樓，原來一邊喺可容納約30人嘅主餐廳，另一邊喺畫廊兼可包場搞活動嘅VIP房，餐廳 + 畫廊？咪就喺店名嘅意思囉，經店主解釋，原文「Gurume Gyarari」為日本拼音，意思就喺「Gourmet Gallery」，OK！明白晒。始終帶著藝術之意，所以晌裝修上都花咗唔少心思，主餐廳環境以深啡襯及黑，配以不同聚焦點嘅射燈，令人感覺型格而不冷酷。入門口有個迷你吧枱，轉而進入用餐區，牆邊嘅日式楓葉壁畫最吸晴，此外，餐廳盡頭就喺開放式廚房，一賭廚師做菜嘅風采；最鍾意喺枱櫈嘅編排，唔壓迫，空間感大，令人覺得唔會有種一味向錢看做生意嘅俗氣。另一邊廂畫廊則以白色為主系，掛有多幅油畫，正中間放有一張多用途大長枱，簡約平實。翻一翻餐牌，菜式主要分為生
狹小嘅門口已夠晒隱蔽，仲要經過長長黑白樓梯長廊先可上到達餐廳，有種既隱敝，又神秘嘅感覺。上到一樓，原來一邊喺可容納約30人嘅主餐廳，另一邊喺畫廊兼可包場搞活動嘅VIP房，餐廳 + 畫廊？咪就喺店名嘅意思囉，經店主解釋，原文「Gurume Gyarari」為日本拼音，意思就喺「Gourmet Gallery」，OK！明白晒。
始終帶著藝術之意，所以晌裝修上都花咗唔少心思，主餐廳環境以深啡襯及黑，配以不同聚焦點嘅射燈，令人感覺型格而不冷酷。入門口有個迷你吧枱，轉而進入用餐區，牆邊嘅日式楓葉壁畫最吸晴，此外，餐廳盡頭就喺開放式廚房，一賭廚師做菜嘅風采；最鍾意喺枱櫈嘅編排，唔壓迫，空間感大，令人覺得唔會有種一味向錢看做生意嘅俗氣。
另一邊廂畫廊則以白色為主系，掛有多幅油畫，正中間放有一張多用途大長枱，簡約平實。
翻一翻餐牌，菜式主要分為生蠔、沙律、湯品、招牌壽司卷、一口小食、主菜等，款式唔算多，都以貴精不貴多為原則，希望將每道菜都做得如藝術品般精緻嚟呈獻給客人。
Hotate with Crystalline Ice Leaves $168餐牌中嘅3款沙律，以依個用上沖繩冰葉最為特別，較少進口嘅冰葉，口感冰涼清脆，加上外表好似有一層露珠，獨特有趣；而大大粒嘅北海道帶子，肉厚質柔，鮮味一流，再以少少煙肉碎襯托，拌上芝士油醋汁，令味道變化有層次，配搭創新而不紊亂，不愧喺店中主打沙律。
Lobster Risotto Bisque $168依道菜喺飯定湯，起初都有啲疑惑。雖然菜名定性為意大利飯，但有別一貫以意大利米加入湯汁慢燴方式，而且，若你以食意大利飯個感覺去品嚐依道菜，恐怕若有所失。既然店方以西日混和菜為賣點，更加唔喺一間意大利餐廳，所以，其實「意大利飯」喺用上混和蕃茜及青檸嘅珍珠米，配菜喺爽彈嘅龍蝦肉，再注入滾熱辣嘅龍蝦湯，先至成為依道龍蝦「湯飯」，飯粒黏糯帶青香，而龍蝦湯非常濃郁，入口啖啖精華。
Black Truffle Lotus Root Chips $78餐牌中佔最多就喺「一口小食」（Small Bites），有超過成10款之多，蓮藕通常點煮多？炆啦！炸又如何？其中一道脆炸蓮藕片伴黑松露，估唔到蓮藕都咁有可塑性。蓮藕片切得薄薄，炸後酥脆非常，香口不膩，而伴醬喺沙律醬拌入柚子汁，再加上黑松露醬，沾點醬汁，酸甜中又散發一份幽香，大可作為餐前送啤酒小食。
Toro y 48 Months Iberico Ham Wrap (3 wraps) $168拖羅擺向日廚手上，非做刺身莫屬，但晌度，咩都創意先行，又點會單單用嚟做刺身。將一大片48個月熟成嘅西班牙黑毛豬火腿，加上用拖羅、藜麥所做嘅「魚蓉」，配以沖繩名物海葡萄，店主仲教路將所有食材捲起一啖口，最能食出味道。入口細味，火腿油潤甘香，拖羅嫩滑無渣，由於加咗藜麥及海葡萄，多添一份咬口感及海水鹹鮮，實在有火花。
Tuna Tartar (4pcs) $138可以用美食藝術品嚟形容依道菜，唔止食材配搭，就連賣相、色彩都甚有心思。以炸雲吞皮墊底，放上色澤紅潤又混有青瓜粒、薑粒、藜麥及松露油嘅吞拿魚他他，最後放上流心嘅鵪鶉蛋，畫龍點晴嘅小嫩葉作點綴，構圖立體，色彩對比鮮明，真喺未食都已令人開心。整體食味複雜，口感多變，又成為一道西日小魔法。
Foie Gras Pairs with Guava Gelato $138雖然構圖擺位依然很有「藝術」氣息，但這道煎鵝肝俾人感覺就無咁顛覆。用咗少少沖繩黑糖煎過嘅鵝肝，味道油潤又帶點清純甜味，而鵝肝面上嘅自製藍莓醬，又可以稍稍中和鵝肝帶嚟嘅油膩。不過，講到解膩力強非嗰一球自家制石榴意大利雪糕莫屬，酸甜細緻，冰涼清爽。
試咗幾款一口小食，再落嚟輪到上主菜，其實，主菜選擇唔太多，3款意粉加1款牛肋骨。Uni & Quinoa Pasta $188
扁意粉煮得入口煙韌有咬口，已經喺一道意粉成功嘅起點，而意粉中加咗煙肉碎、車厘茄、巴馬臣芝士，配蒜蓉忌廉汁，令整個意粉味道豐富咗，加埋藜麥？無錯，又喺藜麥，又多分健康。此外，主題亮點「海膽」，一大撮放晌意粉面，加埋圓潤晶瑩嘅三文魚籽，有睇頭，海膽味道綿柔甘甜，唔錯嘅組合。
Braised Tako & Bone Marrow Pasta $198另一道意粉主菜，喺章魚（即喺八爪魚）同牛骨髓嘅配搭，絕對讓人體驗西日食材混和嘅味道。扁意粉當中同樣加咗唔少配料，如蕃茄、藜麥、乾芫荽，不過，由於牛骨髓唔多，而且，好易錯過咗都唔知。另外，在意粉面之上嘅章魚，以慢煮處理，出奇地口感好柔軟滑溜，食落估佢唔到喺章魚嚟添，極之得意。
Blueberry Sushi $128又話喺甜品，點解嚟客壽司？原來又喺大廚嘅大膽搞鬼創作，以超薄嘅青瓜片捲住海綿蛋糕，再加新鮮藍莓所做成軍艦形壽司甜品，伴以朱古力醬跟抹茶啫喱。一啖一件，輕怡清爽，之但喺仍有種唔喺食緊甜品嘅錯覺。
好開心「嚐新」咗咁多款創新嘅特色菜，除咗品嚐美食，亦有機會跟店主及廚師交流，Naked唔單止菜式不拘一格，佢哋仲強調希望以最好質素嘅食材，卻以最少調味嘅烹煮，務求突顯食材中嘅真味，所以，煮餸做菜都喺一門藝術。
Post
