How To Live Well (荃灣廣場)

Open Now

Now Closed

餐廳雖然冇K11咁闊落，但係環境佈置好類似，空間感足夠，下午有天然陽光，環境舒服。我哋今日去食午餐，叫咗兩杯嘢飲，三款食物。其實飲品價錢都偏高，但係亦都十分出色。Baby Cigar$78 特濃咖啡，牛奶，Tiramisu醬，點佢配的手指餅，好正，飲到底仲有咖啡啫喱，當佢係一個甜品都唔錯。叫咗個泰式pizza，配埋一個小青檸 食落少少酸酸辣辣幾開胃。雖然薄脆批，但size都幾大個，我哋當日只係食到一半😅仲有一個慢煮豬肉冇影相，慢煮其實都好穩陣，肉質好林，配埋少少玉桂蘋果，唔錯。仲有菠菜，不過我自己唔食菠菜，就唔評論。另外仲有個小食，醬油年糕，有少少甜，個人覺得年糕本身甜，配埋個甜醬油更加甜，幸好有少少紫菜係面，不過啲醬油又癡唔住。包住菜食會好好多，平衡番個甜味。總括嚟講，嘢食係性價比高。雖然嘢飲有啲貴，不過都值得試。