Nina Patisserie

Open Now

Now Closed

為左慶祝特別日子，一早係Nina Patisserie中環街市分店訂左個蛋糕，不過去荃灣西如心酒店分店出貨，等職員送上酒店房食用。呢個係小蛋糕版本。焙茶黑糖麻糬拿破崙15cm $688Nina Patisserie拿破崙好似幾出名。呢款焙茶黑糖麻糬味道非常創新，當然要試試。呢款仲有12cm，價錢就會係$368。拿破崙酥皮有三大層，入面夾住好多焙茶吉士，面層外圍有白色糖霜，都有一行焙茶吉士，鋪上一片薄薄朱古力，再加上花瓣，朱古力珍珠波波同金箔裝飾。一切落去，聽到切酥皮既酥脆聲。首先焙茶吉士分量超多，真係又濃又香焙茶味，口感非常滑溜，好正！中間有細細粒黑糖麻糬就似啫喱多d，完全無麻糬既煙韌口感，名不副實。酥皮都算脆，不過個人覺得可以更酥脆，之前食過Rostini出品就更出色。但係焙茶吉士實在係太出色，而且焙茶拿破崙出面食唔到，所以加返分。附送朱古力牌乙個，好脆口，牛奶味夠香。分量上都夠8-10人食，我一個人食左兩大件已經飽到夜晚都食唔落。用大袋同大盒包裝得好好，仲有兩隻碟同刀叉同蠟燭。