華順越南餐廳 (Closed)

無意中喺英皇道旁嘅後巷發現呢間一啲都唔起眼嘅越式餐廳, 座位都幾闊落。同朋友一人叫咗一碗生牛肉湯河, 加碟馬拉盞炒通菜。生牛肉湯河 $42呢碗湯河算係份量足, 生牛片不會太薄, 河粉偏腍, 芽菜同生洋蔥夠爽口, 仲有蔥花點綴, 味道不過不失。馬拉盞炒通菜 $45通菜爽嫩翠綠, 馬拉盞醬汁略嫌有點過多, 食到底層好鹹。 老實講以呢個價錢, 要求不能太高, 呢間餐廳嘅食物尚算可以, 但用餐期間時不時有小烏蠅飛過, 感覺衛生情況有待改善。