友利冰室 x 勿當奴 (D2 Place TWO) (Closed)

OG港式茶餐大排檔，妙趣插圖仲有主題超市之前食過佢地乳豬卡邦尼意粉已經有好感，今次試埋啲飯！日式壽喜燒牛腩煲冬天餸飯一流，汁底咸甜咸甜又夠熱，牛腩係非比尋常咁大件，但夠晒稔又鬆化，牛味清香。除咗食肉，重點係好入味嘅大啡菇、滑豆腐、白蘿蔔、京蔥，配菜一絕。叉燒炒蛋飯做得細膩，美國穀飼叉燒有肉香鬆軟唔會太多肥位；日本蛋炒得滑。蔥同豉油個味較得好好，飯量又多，高度欣賞。凍奶茶又係高質，碎冰上，難得。自家茶有蘋果/ 檸檬伯爵茶，有趣味卡通貼紙。加多個森永布甸仔做甜品，開心。年頭黎個陣都未擴充，而家餐廳主題超市同食飯座位對調左，位置開揚又燈光通明。食完可以行埋超市，好多外國入口食材，懶人急凍包，仲見到有急凍羊腩煲… 網購都得，太危險啦吧！