水晶晶泰國餐廳 (Moved) New Location

放工之後同幾個朋友去搵野食，其中一個朋友就好鐘意食海鮮嘅，見倒呢間水晶晶好似都有海鮮食咁，就入左去。入到去店員推介個海鮮套餐，咁我地4條友就叫左個魚肚羹同粉絲大肉蟹。套餐得兩個餸怕唔夠食，但店員話OK，所以就冇叫其他野。咁個魚肚羹其實都真係幾大，4條友分都每人食倒兩碗。味道唔錯，羹嘅濃度都適中，唔會太稀。粉絲大肉蟹就麻煩啲，雖然隻蟹都好大隻，但始終唔夠4個人分，每人分得一兩件，唔夠喉。而個粉絲擺明係為飽肚而設，不過粉絲有香料味，都幾好入口。總體黎講味道還可以，食海鮮黎講價錢唔太貴，不過就有少少唔夠分囉。