大鍋口海鮮火鍋店 (Closed)

唔係第一幫襯，任食黎講質素算OK可惜服務態度勁差，好似欠左佢咁呢到係任食2.5小時，侍應會係夠鐘前大約30分鐘提你LAST ORDER，都算正常點知佢今次冇提到我地，我地再ORDER一餅稻庭烏冬的時候，侍應開頭扮聽唔到，之後居然勁惡話已經過左LAST ORDER，唔可以再叫野！仲即刻幫我地賣埋單！你地唔提我地，我地點會知過左LAST ORDER？唔通自己計住2.5小時食，夠鐘仲自己識叫賣單？問題係我地仲見到侍應有提其他客，可能係唔記得提我地，但我想講食客自己真係唔會識同你計時囉！完全冇提過我地last order就搶左我地張單去埋，但我地仲有野未叫，完全唔知夠鐘，有權叫返自己本身想叫既野，況且只係一個烏冬，唔駛好似欠左你咁下嘛？同佢理論，鬧返你轉頭，個面口好惡，仲要話唔關佢事，真係受佢氣都受飽！乜胃口都冇晒最後仲夾硬拎走我地個鍋，未見過咁差既服務態度！個經理點同我地say sorry都冇用，真係要好好教下d員工囉服務態度咁差，就算食物就OK都冇用。