White Button Cafe & Dessert (Closed)

話說睇左某個報導後，俾佢個奄列pancake吸引左，所以星期日就同閨蜜一齊黎試下。1點左右黎到，只有3檯客人，空間都幾大，店舖佈置好吸引，好少女系。空間咁大俾人好舒服嘅感覺。叫左3樣野食，最想食嘅奄列pancake餐牌係寫2點黎至有，本身諗住食完野夠鐘至叫，但食完未夠鐘已經見到有人叫左。叫左櫻花蝦明太子意粉，一啲都唔明太子，俾櫻花蝦搶左味，份量都算大，仲有個鰻魚玉子漢堡，好大個，但唔好味，鰻魚係超市急凍鰻魚失望，仲有個薯角，店舖推介食物，一啲味都冇，面度啲芝士硬晒2杯咖啡都係一般般，一杯要40幾蚊有啲貴。黎到最期待嘅甜品，味道ok,個pancake 唔係空氣質感，食左等於冇食個隻，會有啲飽肚，個cream係乳酪酸酸地，好特別，個雪糕唔得好藥水味. 整體黎講，咸食唔推介，甜品可以一試。價錢都係偏貴，食物份量都ok, 2個女仔share一碟都足夠。