The Pantry Cafe

Open Now

Now Closed

經過見到開咗新餐廳都幾多人食， 見到個環境都幾舒服入去試吓， 間餐廳地方都幾闊落同埋幾光猛。燒安格斯澳洲穀飼牛扒 $258試吓佢呢度個牛扒先，今次叫咗五成熟， 配菜一定係叫薯條，薯條係正常嘅。 個汁就分別叫咗紅酒燒汁同埋蘑菇忌廉燒汁， 我就鍾意蘑菇汁多啲， 塊扒就應該係熟過五成都幾啱我口味， 同埋牛扒個邊煎得啱啱好，咬落去都脆口同埋好香。新鮮海膽，香煎帶子，蟹肉海膽，忌廉汁意粉 $178幾鍾意佢呢個意粉好掛汁， 嗰個黏度啱啱好。 個帶子好鮮甜， 同埋個海膽都好新鮮， 配埋啲蟹肉加埋一齊覺得好好味。厚班戟，焦糖牛油，楓葉糖漿水果 $108呢度嘅pancake真心做得好好， 望落去好有質感， 同埋咬落去係有空氣感嘅， 食到日本嗰種感覺， 呢個真係必叫。