% Arabica (鴨巴甸街) (Closed)

星期六的下午去左PMQ行街，夏日炎炎想飲杯野飲見到PMQ對面竟然開左間Arabica，勁興奮呀店入面既裝修簡約，光猛，而且播住輕鬆既音樂，入到黎令人好放鬆呀店入面間空間好大，而且設有戶外座位員工好好人呀，關於咖啡既問題會好耐心咁答我，而且店入面既咖啡種類好多，亦有介紹多種既咖啡豆，咖啡豆既氣味充斥住成間咖啡店，喜愛咖啡既朋友一定鍾意今次我就嗌左「美式咖啡」同「冰凍抹茶拿鐵」，我等左唔係好耐咖啡就有喇「美式咖啡」既咖啡味好濃，唔會好酸，飲落去咖啡既香味係口入面徘徊，算係好出色既美式咖啡「冰凍抹茶拿鐵」既甜度適中，奶味同抹茶味夾得岩岩好，一飲落去真係透心涼，係消暑恩物呀呢間咖啡店算係比較出色既連鎖經營店喇