第一郡 (Moved) New Location

大隻仔今次覓食嘅店舖就係💥 Q1 第一郡 💥 大隻仔睇好多YouTuber 介紹話「Q1 第一郡」好好食，比起越南當地嘅餐廳更加好食。今日大隻仔專登搭車出嚟深水埗，試吓呢間越南餐廳嘅鎮店名菜「蟹膏蕃茄湯檬粉」，試吓係咪真係咁好食。😋😋⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 蟹膏蕃茄湯檬粉 $60蟹膏蕃茄湯檬粉配料有：蟹膏蟹肉蛋片、蕃茄、豆腐卜、豬紅、扎肉、山菜、九層塔。蕃茄湯好濃郁，酸酸甜甜，充滿蕃茄同九層塔味道，成碗檬粉最驚喜既配料就係蟹膏蟹肉蛋片，將蟹膏蟹肉拌入蛋漿再蒸熟後切成蛋片。蛋片既蟹膏蟹肉味道香濃，浸入蕃茄湯，十分滋味。第一郡既檬粉同平時食開嘅越南餐廳檬粉唔同，感覺比較似米粉。🔥 牛油果沙冰 $35牛油果沙冰味道香濃，沙冰打得綿滑，質地似飲奶昔多過沙冰。溫馨提示：蟹膏蕃茄湯檬粉味道極濃，食完會有少少口渴。