京都抹茶庵 (Closed)

係等朋友嘅時候，唔覺意發現到呢間抺茶野，嘿嘿，其實就唔算好好甜品，但抺茶已經係我最buy 㗎啦！首先～唔太甜啦！再者～感覺冇咁肥家下嘀商場又冇咩野行，不如坐底慢慢嘆返個甜品好過啦！抺茶甜品入面我都有心頭好㗎！櫈櫈～就係蕨餅啦！係最初中村藤吉帶抺茶野入香港果陣，真係有去朝聖，佢個蕨餅重要限買好似十份，迫人一早去排隊，不過第一次接觸蕨餅，我已經屈服咗係佢嘅外型之下，我對嘀睇落去「淋滋滋」嘅野係好帶沖動去篤，嘩！好Q彈，好可愛，怪癖嘅野真係撳唔住...口感重要係軟糯軟滑，日本人叫Mochi Mochi，即是煙煙韌韌，總之係正啦！今次叫呢個焙茶抺茶雪糕加蕨餅！雪糕夠滑唔太甜，軟硬適中，有次試過一個豆腐雪糕熔得快過我夏天化個妝....總之茶味適中，加理個QQ蕨餅，令到就算等緊人，都係享受時光，自得其樂