Return Coffee House (Closed)

約左幾個表姊妹係觀塘食lunch,表妹推介咖啡唔錯，所以就決定一試。12:30去到已經超多人。首先要係收銀落單，會再比個牌你，甘水同餐具要自己拎的。價錢略貴。鮮茄忌廉牛仔粒意粉，個番茄醬汁好creamy ，又唔係太酸，好開胃，牛肉粒有d過熟，意粉煙韌，我鍾意淋少少。南瓜蓉雜菌煙肉意大利飯，南瓜味好香，意大利飯creamy，個飯唔算硬接受到。龍脷魚柳芝士漢堡配焗薯角，份量都幾大，麵包鬆軟，魚柳都唔腥，但唔夠juicy。我加左柸摩卡咖啡，咖啡唔太濃，對我黎講ok，因為我本身不太認識咖啡😆但畫既花好靚。