西貢海灣會燒烤大王

個場完全同啲相係兩回事，張相有間好靚嘅玻璃屋，去到完全拆晒，個場好熱好焗，啲人草地爛容容，無乜設施，所謂加錢去海景位，根本睇唔到海景，冇意義，又唔係平， ＄239一個人，啲嘢食非常普通，飮品只係有汽水機針出嚟㗎汽水，並唔係罐裝或樽裝，係疫情底下真係要小心啲，食物種類完全冇驚喜，味道亦非常一般，仲只係收現金，啲職員呼呼喝喝態度非常差，鐵網加隻拑要收$70一個，每人獲派一隻紙碟，若果要加紙碟要$5兩隻，除咗有啲人可以帶埋隻狗，諗唔到有咩原因要再去。