紅粉佳人 (Closed)

上星期五，去咗pink salmon 食lunch。幾年前都食過一次，唔錯，不過地點唔太近地鐵，有少少唔方便，所以唔會成日黎。Set lunch 選擇唔多，西式午餐有3款，仲有一款中式客飯餐。要咗豬手意粉，$54，有多士、湯同餐飲。多士配三文魚蛋白醬，個醬好好味，好濃魚味，唔好魚嘅人可能會覺點腥。餐湯有羅宋湯同忌廉湯，羅宋湯味濃多料。豬手係炆嘅，層皮好厚，唔算太肥。好多肉，肉嫩滑，仲有好多筋，d 筋好煙韌，好好味。意粉都唔錯，彈牙，唔會過淋。