Video
Read full review
2019-08-10
381 views
一入餐廳Waiter就比咗兩個籌碼我地每一個籌碼可以換兩隻新鮮、即開嘅生蠔而Semi Lunch Buffet嘅意思就係你可以係六個主菜之中揀一款之後出面所有嘢都係任你選擇拎我地兩個人嗌咗肉眼牛扒法式蛋黃醬（$468）同埋扒龍蝦配西班牙海鮮濃湯（$498）首先講左我order嗰個肉眼牛扒法式蛋黃醬先啦，我真心覺得質素勁好，完全唔會有食到鞋烚烚嘅口感，啲牛好嫩滑好多肉汁，配埋呢個法式蛋黃醬簡直就係Perfect Match☺️☺️而旁邊啲粗薯條亦都係新鮮滾熱辣👍👍而且又唔會太鹹，炸得啱啱好之後就講埋扒龍蝦配西班牙海鮮濃湯，我就覺得呢個係for seafood lover🙂🙂嘅，因為除左有鮮美、肉質好彈牙爽口嘅龍蝦之外，仲有魚柳、帶子、蜆、 青口等等係呢款菜式入面，所以絕對會令鍾意食海鮮嘅人食到Lam Lam脷講完主菜就講下出面無限量供應頭盤、湯、沙律、西班牙地道小食同各款甜品， 更加可以DIY 自製彼得包，配上 6 款特色蘸醬汁（希臘芝士辣椒橄欖醬、茄子橄欖香草醬、雞心 豆醬、希臘青瓜乳酪醬、牛油果醬及黑橄欖醬) 。而我自己好鍾意、不停refill 嘅係Quiche with Leek &
每一個籌碼可以換兩隻新鮮、即開嘅生蠔
而Semi Lunch Buffet嘅意思就係
你可以係六個主菜之中揀一款
之後出面所有嘢都係任你選擇拎
我地兩個人嗌咗肉眼牛扒法式蛋黃醬（$468）同埋扒龍蝦配西班牙海鮮濃湯（$498）
首先講左我order嗰個肉眼牛扒法式蛋黃醬先啦，我真心覺得質素勁好，完全唔會有食到鞋烚烚嘅口感，啲牛好嫩滑好多肉汁，配埋呢個法式蛋黃醬簡直就係Perfect Match☺️☺️而旁邊啲粗薯條亦都係新鮮滾熱辣👍👍而且又唔會太鹹，炸得啱啱好
之後就講埋扒龍蝦配西班牙海鮮濃湯，我就覺得呢個係for seafood lover🙂🙂嘅，因為除左有鮮美、肉質好彈牙爽口嘅龍蝦之外，仲有魚柳、帶子、蜆、 青口等等係呢款菜式入面，所以絕對會令鍾意食海鮮嘅人食到Lam Lam脷
講完主菜就講下出面無限量供應頭盤、湯、沙律、西班牙地道小食同各款甜品， 更加可以DIY 自製彼得包，配上 6 款特色蘸醬汁（希臘芝士辣椒橄欖醬、茄子橄欖香草醬、雞心 豆醬、希臘青瓜乳酪醬、牛油果醬及黑橄欖醬) 。而我自己好鍾意、不停refill 嘅係Quiche with Leek & Bacon，Deep Fried Fish Fillet同埋煙三文魚👍👍第一個其實好似火腿Cheese 蛋卷嘅物件，勁吸引我一直食，第二個其實就係炸魚柳，我覺得佢好好食嘅原因係因為佢又唔會太多炸粉得嚟又好新鮮滾熱辣
呢度雖然冇provide 免費嘅飲品，不過你可以+$100 就可以無限添飲有汽餐酒、紅白餐酒同西班牙特飲或無限暢飲啤酒! 而我就嗌咗佢期間限定嘅一杯地中海特調「情約藍海」（$68）😉😉飲落去味道係幾唔錯嘅，而且有椰子味同埋熱情果，不妨試試😋😋值得一試
最後值得推介嘅係呢度你可以任食Movenpick 雪糕，分別有雲呢嗱、朱古力同士多啤梨味（之後我三隻味都食曬🙂🙂）
Post
