東海堂 (上水中心)

Open Now

Now Closed

剛剛返到屋企覺得肚仔有啲餓，哩個時候見到枱面有袋月餅....仲要係我最愛嘅東海堂，於是我就做咗大老鼠，打開咗嚟食🙈🙈🙈然後我已經忍唔住，立即上嚟發文，因為真係好好好好食呀呀呀呀呀！嗯，我真係啱啱先食完，而家同大家分享第一手食後感。一盒六件月餅，每隻都細細件，就係常見冰皮月餅嗰種尺寸，但佢係焗皮。一打開就聞到香噴噴嘅抹茶味，咬落去唔乾，我食完到而加都未飲過一啖水，依然唔會覺得口乾同辛苦，中間流心抹茶朱古力冇好似廣告上咁爆出嚟，但絕對名符其實係流心嘅👍🏻因為一咬開就流咗少少出嚟，所以我已經吸走咗少少先影相，唔係就流到一地係喇😋😋然後朱古力滑，而且有抹茶香，成個月餅甜到啱啱好，非～～～～～常推介大家食！