Video
Read full review
2023-08-09
2743 views
💎總評分：7.5/10-馬來西亞菜都係食下叻沙肉骨茶，成日俾人感覺好肥膩重口味，SOHO呢間誠意小店堅持用新鮮食材🥬，keep住惹味但係無味精。舖頭細細實力不容忽視💪🏻，入口喺小巷俊榮里，有少少隱蔽好似Hidden gem咁💎。1️⃣ 火熱砂煲香濃肉骨茶 $165 馬來西亞式嘅肉骨茶藥材味較重，無落味精成碗飲都得🥣，想再濃味D可以落埋自家製嘅蒜泥🧄。選用豬軟骨，炆得好淋好入味，比起坊間一般會採用嘅排骨無咁肥膩又啖啖肉😋，配白飯超飽肚！唯一美中不足就係油炸鬼同香米餅太硬，浸左湯都無用🙊。2️⃣ 惹味肥牛堆喇沙 $122呢個係正宗摻摻，油麵同米粉比例佔半，彈牙掛湯👍🏻。亮點係堆到成座山咁嘅肥牛🐂，仲有芽菜同豆卜等配料，賣相好澎湃！湯底比一般稀身，無添加糖或味精，因為加左好多菜入去煮，所以做到同樣香口但多左份清新嘅味道🫶🏻。3️⃣ 脆炸一口雞 - 梅子味 $112有驚喜‼️size都唔算係一口嫁喇🤭，份量好公道，新鮮炸起一咬落去脆卜卜，做到外脆內Juicy👍🏻，撒喺面頭嘅梅子粉更係畫龍點睛，酸酸甜甜唔加醬己經好好食🤤！4️⃣ 椰絲咖椰薄餅 $52店員大力堆介就叫嚟試下～同小編想像嘅完全唔同，原來係熱食脆身一
-
馬來西亞菜都係食下叻沙肉骨茶，成日俾人感覺好肥膩重口味，SOHO呢間誠意小店堅持用新鮮食材🥬，keep住惹味但係無味精。舖頭細細實力不容忽視💪🏻，入口喺小巷俊榮里，有少少隱蔽好似Hidden gem咁💎。
1️⃣ 火熱砂煲香濃肉骨茶 $165
馬來西亞式嘅肉骨茶藥材味較重，無落味精成碗飲都得🥣，想再濃味D可以落埋自家製嘅蒜泥🧄。選用豬軟骨，炆得好淋好入味，比起坊間一般會採用嘅排骨無咁肥膩又啖啖肉😋，配白飯超飽肚！唯一美中不足就係油炸鬼同香米餅太硬，浸左湯都無用🙊。
2️⃣ 惹味肥牛堆喇沙 $122
呢個係正宗摻摻，油麵同米粉比例佔半，彈牙掛湯👍🏻。亮點係堆到成座山咁嘅肥牛🐂，仲有芽菜同豆卜等配料，賣相好澎湃！湯底比一般稀身，無添加糖或味精，因為加左好多菜入去煮，所以做到同樣香口但多左份清新嘅味道🫶🏻。
3️⃣ 脆炸一口雞 - 梅子味 $112
有驚喜‼️size都唔算係一口嫁喇🤭，份量好公道，新鮮炸起一咬落去脆卜卜，做到外脆內Juicy👍🏻，撒喺面頭嘅梅子粉更係畫龍點睛，酸酸甜甜唔加醬己經好好食🤤！
4️⃣ 椰絲咖椰薄餅 $52
店員大力堆介就叫嚟試下～同小編想像嘅完全唔同，原來係熱食脆身一層層嘅手工甜品😯，舖上椰絲、芝麻、糖霜，鐘意嘅仲可以蘸咖央醬，非常美味🍭。
睇得出小店無論係食材配搭定係烹煮方法都好有heart🧡，店員積極向食客介紹主打菜式！呢個價位平日打工仔嚟lunch / dinner都合適啊！
-
環境服務：⭐⭐⭐⭐
食物質數：⭐⭐⭐⭐
打卡指數：⭐⭐
Post
