壽司郎 (樂富廣場)

Open Now

Now Closed

聖誕節正日，應承咗屋企人會帶兩個小朋友出去玩等屋企人可以趁着節日放下假唔使湊小朋友，唔知點解啲小朋友都好鍾意食壽司，咁就唯有一早出門口去攞飛排隊等位。大概11:00左右去到，已經要等100個號碼。由於限時60分鐘，所以其實等左個半鐘左右就已經有位。壽司嘅種類都唔算少，你可以揀回轉又或者用佢哋嘅平板電腦揀選自己鍾意食嘅壽司，魚生類嘅壽司食落都算新鮮，我哋就揀咗大拖羅，都算幾肥美。呢款海鰻入口即溶。如果係小朋友佢哋都有好多唔同嘅選擇，例如有腐皮壽司玉子壽司亦都有蟹柳壽司。另外佢哋係仲有烏冬拉麵或者其他炸物供應。整體來講我會推介大家淨係食壽司，因為佢哋嘅炸物係比較失色。