Video
Read full review
2021-04-17
98 views
之前同屋企人去過觀塘智選假日酒店入面嗰間「Walter Bistro」食半自助晚餐，餐廳嘅環境好舒服，價錢同食物質素亦相當唔錯，一家人都食得很開心。最近從網站得知「Walter Bistro」喺銅鑼灣開咗間新分店， 趁周末專登過嚟吃頓午餐。店子位於二千年廣場 5 樓，舖面裝潢簡約，環境非常闊落，氣氛輕鬆隨意。原來餐廳最近推出咗個西班牙小食午餐，每位只需 $150，就可以兩小時無限添加任食 10 款 Tapas 同任飲果汁及汽水，+$30 仲可以多一款主菜，。既然係任食，當然要全部試曬。先嚟嘅炸魚肉蝦餃子味道挺不錯，餃子外皮脆卜卜，入面塞滿魚肉和蝦肉，非常飽滿，配健康的腰果醬同濃香的甜豉油吃，倍添滋味。意大利薯仔洋蔥焗蛋食味亦不俗，蛋餅用料十足，內有超多薯仔同洋蔥粒，入口蛋香濃郁，加上鹹香的芝士同蒜蓉汁，好惹味。紅蝦他他配牛油果蕃茄：紅蝦他他由擺碟到味道都好有驚喜，蝦肉香而細膩；牛油果軟腍綿滑，富清新香氣；配上鮮甜多汁嘅蕃茄，真係滋味無窮。另外銀魚柳配紅燈籠椒多士 同 醋浸蕃茄沙甸魚配紅燈籠椒多士，味道亦一流。多士烘得非常脆口，銀魚柳魚味十足，入口帶陣陣鹹香；而沙甸亦微酸帶甜，肉質肥美，
最近從網站得知「Walter Bistro」喺銅鑼灣開咗間新分店， 趁周末專登過嚟吃頓午餐。店子位於二千年廣場 5 樓，舖面裝潢簡約，環境非常闊落，氣氛輕鬆隨意。
原來餐廳最近推出咗個西班牙小食午餐，每位只需 $150，就可以兩小時無限添加任食 10 款 Tapas 同任飲果汁及汽水，+$30 仲可以多一款主菜，。
既然係任食，當然要全部試曬。先嚟嘅炸魚肉蝦餃子味道挺不錯，餃子外皮脆卜卜，入面塞滿魚肉和蝦肉，非常飽滿，配健康的腰果醬同濃香的甜豉油吃，倍添滋味。
意大利薯仔洋蔥焗蛋食味亦不俗，蛋餅用料十足，內有超多薯仔同洋蔥粒，入口蛋香濃郁，加上鹹香的芝士同蒜蓉汁，好惹味。
紅蝦他他配牛油果蕃茄：紅蝦他他由擺碟到味道都好有驚喜，蝦肉香而細膩；牛油果軟腍綿滑，富清新香氣；配上鮮甜多汁嘅蕃茄，真係滋味無窮。
另外銀魚柳配紅燈籠椒多士 同 醋浸蕃茄沙甸魚配紅燈籠椒多士，味道亦一流。多士烘得非常脆口，銀魚柳魚味十足，入口帶陣陣鹹香；而沙甸亦微酸帶甜，肉質肥美，中間嘅紅燈籠椒味道不辣，夾埋一齊食好開胃。
炸西班牙青辣椒：青椒帶淡淡鹽味，卻不死鹹，食得到辣椒的原味，而且雖然係油炸，但食落竟然有點清爽，唔錯。
炸魷魚配蒜蓉醬：魷魚圈炸得好脆口，外層的炸漿做得很薄，內裡鮮嫩柔軟，咬落唔韌。
另外呢款辣蝦炒薯仔亦值得一試，蝦肉大隻彈牙，微辣刺激；薯仔粒熟度剛好，囗感粉中帶硬，配上酸甜嘅醬汁，很惹味。
最尾呢兩款洋蔥煙肉焗蠔 同 青口配白酒汁亦做得很不錯，生蠔焗完之後唔會過熟，食落仍然軟嫩有汁，帶有蠔香。青口肉身好滑好軟，白酒汁嘅香味完全滲曬入去，入口 Juicy 又散發住陣陣酒香。
Main Course 點咗蕃茄蟹肉意粉 同 慢煮無骨牛小排。意粉煮得啱啱好，柔韌有咬口，蟹肉落得好闊綽，啖啖鮮甜，配上酸咪咪嘅醬汁，好醒胃。牛小排亦是心機之作，吃起來有嚼頭又不會過韌，而且肉味好濃，入口油潤有脂香。
Post
