Video
Read full review
2015-09-11
656 views
現代人追求健康，食嘢唔止飽肚，更要色香味營養俱全，仲講求用餐體驗。對於人造色素糖精調味料通通敬而遠之。其實，簡單就是美，只要材料天然新鮮同好味，自然有捧場客網上同雜誌都多次提及呢間手工雪條，今日銅鑼灣晚飯兼熱到溶咁滯，棟係嚟試吓新嘢。店面唔大，裝飾簡約光猛，似台式CAFE,堂食位得十個左右，全場爆滿兼大排長龍。 MENU唔係好多款式選擇，除咗雪條仲有SNOWFLAKE提供，不過今晚慕雪條之名而來，當然要一償心願。CREAMY MANGO($42)一個字，FRESH!天然濃郁芒果味，每啖都飲緊芒果汁一樣。而且用料豪爽，嘴嚼到甜甜芒果肉，食完唔會成口假黃色，證明無用人造色素。裝住雪條嘅小紙杯上印有好SWEET嘅貼紙，令人會心微笑;享用完CREAMY MANGO,見到雪條棍上同樣有MESSAGE,佩服店方嘅細心服務。草莓北海道牛奶($42)淨係見到粉紅色嘅雪條，鑲嵌著開半，好似兩個心形嘅士多啤梨，已經流晒口水，牛奶配草莓，可以中和草莓嘅酸，同令雪條入口幼滑，味道好似飲緊新鮮士多啤梨奶昔一樣。士多啤梨片新鮮爽脆，好快食晒，仲有啲意猶未盡😝 尚有其他款式都非常吸引，奈何眼闊
現代人追求健康，食嘢唔止飽肚，更要色香味營養俱全，仲講求用餐體驗。對於人造色素糖精調味料通通敬而遠之。
其實，簡單就是美，只要材料天然新鮮同好味，自然有捧場客
網上同雜誌都多次提及呢間手工雪條，今日銅鑼灣晚飯兼熱到溶咁滯，棟係嚟試吓新嘢。
店面唔大，裝飾簡約光猛，似台式CAFE,堂食位得十個左右，全場爆滿兼大排長龍。
MENU唔係好多款式選擇，除咗雪條仲有SNOWFLAKE提供，不過今晚慕雪條之名而來，當然要一償心願。
CREAMY MANGO($42)
一個字，FRESH!天然濃郁芒果味，每啖都飲緊芒果汁一樣。而且用料豪爽，嘴嚼到甜甜芒果肉，食完唔會成口假黃色，證明無用人造色素。裝住雪條嘅小紙杯上印有好SWEET嘅貼紙，令人會心微笑;享用完CREAMY MANGO,見到雪條棍上同樣有MESSAGE,佩服店方嘅細心服務。
草莓北海道牛奶($42)
淨係見到粉紅色嘅雪條，鑲嵌著開半，好似兩個心形嘅士多啤梨，已經流晒口水，牛奶配草莓，可以中和草莓嘅酸，同令雪條入口幼滑，味道好似飲緊新鮮士多啤梨奶昔一樣。士多啤梨片新鮮爽脆，好快食晒，仲有啲意猶未盡😝
尚有其他款式都非常吸引，奈何眼闊肚窄，唯有下次留肚嚟試過。
其實大自然提供嘅食物已經好美味，毋須畫蛇添足，只要呈現食材本身嘅味道已經勝卻人間無數。
Other Info. :
除咗堂食，雪條仲有外賣服務，店員會提供專用保溫袋($10/個)，買滿6枝免費送保溫袋
(The above review is the personal opinion of a user which does not represent OpenRice's point of view.)
Post
