Video
Read full review
2021-04-11
594 views
9/4/21夜晚八點幾同老公去呢間餐廳(屯門店)食飯，見早排行過有人喺外邊排隊咁諗住一試。入去嗰陣時同女侍應講想要窗口位，佢話未有，見有一張未執好嘅枱，諗住行埋去坐低，佢語氣麻麻叫我哋行返出去外面等，個執枱員面黑黑執枱。明白而家大環境咁差，大家張就下算啦！我哋8:19落單，叫咗一份牛柳拼乳鴿（包羅宋湯、濃湯浸雜菜、白飯）、黯然銷魂飯、一杯凍檸茶。等咗20分鐘，乜嘢食物都冇未黎，連應該最快舀起嘅羅宋湯都冇黎，要追單後等多2-3分後先有羅宋湯黎。一啖飲落個湯度成陣燶味，煲燶晒，今次叫另一位(估係店長)，個湯燶梗係唔飲啦，佢攞走左，以為佢會換個湯，或者點樣處理，結果等咗幾分鐘又冇影，再嗌佢埋嚟，結果佢竟然話：「乜唔係幫你換咗杯熱檸水咩？」我答佢：「我都冇話要換杯熱檸水，而且你地都冇人問過我，點解你會話我哋換咗杯熱檸水呢？」佢話係個女侍應問咗，費事同佢坳咁耐，結果換杯凍檸茶就算。再等幾分鐘，終於上個黯然銷魂飯，再等5-6分鐘後，先等到個牛柳拼乳鴿。牛柳叫5成熟變咗8成，先唔講味道好唔好食，但係嗰餐中西合璧，刀叉用嚟切牛柳，用手食乳鴿，再要揸對筷子扒飯，真係「手」忙又論盡。最壓軸離譜嘅係，差唔多
我哋8:19落單，叫咗一份牛柳拼乳鴿（包羅宋湯、濃湯浸雜菜、白飯）、黯然銷魂飯、一杯凍檸茶。等咗20分鐘，乜嘢食物都冇未黎，連應該最快舀起嘅羅宋湯都冇黎，要追單後等多2-3分後先有羅宋湯黎。一啖飲落個湯度成陣燶味，煲燶晒，今次叫另一位(估係店長)，個湯燶梗係唔飲啦，佢攞走左，以為佢會換個湯，或者點樣處理，結果等咗幾分鐘又冇影，再嗌佢埋嚟，結果佢竟然話：「乜唔係幫你換咗杯熱檸水咩？」我答佢：「我都冇話要換杯熱檸水，而且你地都冇人問過我，點解你會話我哋換咗杯熱檸水呢？」佢話係個女侍應問咗，費事同佢坳咁耐，結果換杯凍檸茶就算。
再等幾分鐘，終於上個黯然銷魂飯，再等5-6分鐘後，先等到個牛柳拼乳鴿。牛柳叫5成熟變咗8成，先唔講味道好唔好食，但係嗰餐中西合璧，刀叉用嚟切牛柳，用手食乳鴿，再要揸對筷子扒飯，真係「手」忙又論盡。
最壓軸離譜嘅係，差唔多食完飲完要走嘅時候，先發覺原來有1份濃湯浸雜菜冇黎到，再叫個店長過嚟，我問佢知唔知呢個餐有啲乜嘢，佢梗係唔知啦！我話比佢知冇咗份濃湯浸雜菜，佢問我仲要唔要，可以而家補返俾我。我真係開始嬲，問返佢：「如果你係我，你仲要唔要啊？知道而家市道咁差，大家都辛苦，但係都唔可以咁做嘢法，如果唔想做，不如早啲返去休息啦！」大佬啊！我都食完，依家就梗係唔要啦，費事再受氣。佢講左幾句唔好意思，但係係完全冇誠意果種語氣。
當我哋執嘢走嘅時候，仲見到佢同幾個食客講唔好意思……
差差差……到咁嘅服務，我比佢Top 1，仲有人幫襯，真係佢好彩！😡😡😡😡😡
Post
