Video
Read full review
2019-05-27
72 views
同朋友約左去尖沙咀Lunch🍽，去左The Grill Room，一出尖沙咀地鐵站A2直行2分鐘左右就到，方便至極！Lunch最怕人多既地方，因為會又迫又嘈，而呢間餐廳就完全無呢個問題，地方闊落，環境唔錯，夠乾淨同餐廳燈光幾柔和！Lunch Set都幾多選擇，同朋友都係愛牛迷，所以都點左同牛有關既菜式：🥗凱撒沙律：沙律菜睇顏色巳經新鮮，塊塊都夠青綠，醬都沾滿每一塊菜，面上灑有芝士粉，如果芝士粉再多少少就Perfect😋!蘑菇忌廉湯：好香蘑菇味，香味四溢，飲得出唔係罐頭湯開出黎，仲啖啖都食到有蘑菇碎粒，好有口感！🐂8安士肉眼扒配薯角蔬菜：8安士份量亦唔細，肉眼扒上既網紋好靚，二話不說，即刻切黎試一試，5成熟岩岩好，厚度適中，肉質保持鮮嫩，超級Juicy，入口齒頰留香，肉眼扒又肥而不膩，一試戀上，好快就KO曬成塊！😋🐂🍔高級和牛漢堡配沙律薯條：和牛漢堡一上陣度一度，有成個虎口咁大，芝士大大塊，未食前視覺先贏，切開個和牛漢堡，真係嘩左一聲，同樣點左5成熟，超厚既和牛，外熟中心依然見到嫩紅既肉質，拎上手，巳經見到成塊牛入面都充滿肉汁，牛香四溢，配埋粗薯條沙律，超級享受！🍰是日甜品：今日甜品係C
Lunch最怕人多既地方，因為會又迫又嘈，而呢間餐廳就完全無呢個問題，地方闊落，環境唔錯，夠乾淨同餐廳燈光幾柔和！
Lunch Set都幾多選擇，同朋友都係愛牛迷，所以都點左同牛有關既菜式：
🥗凱撒沙律：沙律菜睇顏色巳經新鮮，塊塊都夠青綠，醬都沾滿每一塊菜，面上灑有芝士粉，如果芝士粉再多少少就Perfect😋!
蘑菇忌廉湯：好香蘑菇味，香味四溢，飲得出唔係罐頭湯開出黎，仲啖啖都食到有蘑菇碎粒，好有口感！
🐂8安士肉眼扒配薯角蔬菜：8安士份量亦唔細，肉眼扒上既網紋好靚，二話不說，即刻切黎試一試，5成熟岩岩好，厚度適中，肉質保持鮮嫩，超級Juicy，入口齒頰留香，肉眼扒又肥而不膩，一試戀上，好快就KO曬成塊！😋
🐂🍔高級和牛漢堡配沙律薯條：和牛漢堡一上陣度一度，有成個虎口咁大，芝士大大塊，未食前視覺先贏，切開個和牛漢堡，真係嘩左一聲，同樣點左5成熟，超厚既和牛，外熟中心依然見到嫩紅既肉質，拎上手，巳經見到成塊牛入面都充滿肉汁，牛香四溢，配埋粗薯條沙律，超級享受！
🍰是日甜品：今日甜品係Chocolate cake，夠香濃朱古力味，夠滑，食到有榛子醬味道！Lunch食番個飯後甜品，個日都特別好動力😆😆
另外亦點左凍檸茶🍸，要讚一讚餐廳，有環保意識，用環保飲管！而且店員有禮貌，全程都帶有笑容😊😊！
Post
